Harta e Burgjeve
Instituti i të Miturve në Kavajë
Kushte Optimale për Trajtimin e të Miturve
Qëllimi i trajtimit të të miturve në Institucionin e Kavajës, mbështetet në filozofinë e trajtimit human të kësaj kategorie dhe përafrimit me standardet ndërkombëtare. Trajtimi i të miturve në këtë institucion është një ndërthurje efektive e eksperiencës dhe praktikave më të mirë të huaja, e një infrastrukture moderne dhe të përshtatshme për realizimin e një programi edukativ të plotë dhe specifik për këtë kategori nga një staf i specializuar dhe multidisiplinar trajtimi.
Është hartuar plani i dënimit për të miturit, mbështetur në nevojat, prirjet, kapacitetet dhe gjendjen psikologjike dhe shëndetësore të të miturve, me qëllim lehtësimin e procesit të rehabilitimit social nëpërmjet pjesëmarrjes së të miturve në aktivitete arsimore, të formimit profesional, kulturore-sportive, etj.
Për të miturit zbatohet një program ditor rigoroz që ka për qëllim aftësimin e të miturve me shprehi të të jetuarit në komunitet, rritjen e vetëvlerësimit dhe marrjen e përgjegjësive, respektimin e rregullave, njohjen me të drejtat dhe detyrimet, nxitjen e prirjeve në fusha të ndryshme, etj.
Gjatë vënies në efiçencë të këtij institucioni dhe në vazhdimësi, Institucioni i Kavajës është mbështetur dhe asistuar teknikisht nga organizata promovuese të të drejtave të fëmijëve, si UNICEF dhe partner të tjerë të DPB, si KShH, CRCA dhe KLM.
Foto Galeria
Kerko te denuarit politik
