Harta e Burgjeve
Zhvillohet Analiza Vjetore e Drejtorisë së Përgjithshme të Burgjeve 2009
Gjatë fjalës së tij, z. Nishani theksoi rëndësinë e reformimit të sistemit penitenciar si dhe fushat kryesore të cilat duhet të kishin prioritet për 2010. “Padyshim që nga viti në vit, shohim ndryshime të mëdha dhe përmirësime të dukshme që kanë ndodhur në këtë sistem, duke filluar nga ngritja profesionale e stafit, krijimin e një baze të gjerë ligjore si dhe përmirësimin e infrastrukturës në tërësi. Pikësynim kryesor duhet të mbetet jo vetëm trajtimi me dinjitet i personave me liri të kufizuar, por edhe marrja e masave për ndalimin e sendeve të ndaluara sipas ligjit, që shpeshherë janë gjetur në dhomat e të dënuarve dhe paraburgosurve. Krijimi i një sistemi të sigurt mbetet prioritare për vitet në vazhdim”- tha Ministri Nishani.
Drejtori i Përgjithshëm i Burgjeve z. Gazment Dibra, prezantoi para të pranishmëve qëllimet dhe objektivat e sistemit penitenciar dhe bëri një përmbledhje të arritjeve kryesore të vitit 2009 si dhe problemeve që u hasën gjatë këtij viti.
Të pranishëm në këtë analizë ishin përfaqësues të institucioneve dhe organizatave të ndryshme, të cilat kanë kontribuar në mbarëvajtjen e sistemit dhe përmirësimin e cilësisë së shërbimit si EURALIUS, Komisioni Evropian, Ministria e Arsimit dhe Shkencës, Avokati i Popullit, Shërbimi i Provës, Gjykata e Krimeve të Rënda, UNICEF, Komiteti Shqiptar i Helsinkit, CRCA, Shoqata Kristiane e të Burgosurve Shqiptarë.
Analiza Vjetore e Drejtorisë së Përgjithshme të Burgjeve 2009
|
Foto Galeria
Kerko te denuarit politik
