4 Drejtues të IEVP marrin pjesë në vizitën studimore në Angli

Në kuadrin e projektit të binjakëzimit të financuar nga Bashkimi Evropian “Mbështetje për Reformën në Sistemin Penitenciar”, në bashkëpunim me Shërbimin e Provës, gjatë datave 10-16 qershor 2012, katër drejtues të Institucioneve të Ekzekutimeve të Vendimeve Penale, morën pjesë në vizitën studimore të zhvilluar në Britaninë e Madhe. Vizita shërbeu për të njohur nga afër politikat dhe strategjitë që aplikojnë vendet e Bashkimit Evropian në menaxhimin e sistemit të burgjeve. Kjo eksperiencë do të konvertohet në përmirësimin e standardeve të trajtimit të personave të privuar nga liria, duke marrë në konsideratë përvojën e përfituar.

Interes të veçantë gjatë vizitës, ishin procedurat e standardizuara dhe tejet profesionale të pranimit të një të burgosuri të sapoardhur, deri të sistemimi i tij. Vizita në burgun e Wormwood Scrobus ndërtuar në vitin 1870 e cila sistemonte 1200 të dënuar dhe përbëhej nga 600 veta, ishte një shembull mjaft i mirë për standardet që duhet të përbëjë një sistem burgjesh. Pritja dhe sistemimi i të dënuarve kishte një procedurë interesante duke e trajtuar të dënuarin me kujdes për të mos e ndierë izolimin nga shoqëria. Sapo paraqitej në institucion qëndronte 5 min në një dhomë ku kontaktohej nga psikologu i burgut. Më pas shkonte në një dhomë tjetër (kjo me televizor) ku qëndronte 5 orë dhe vizitohej nga stafi shëndetësor. Me pas i hiqeshin rrobat personale pajisej me uniformën e burgut (përfshi dhe këpucët), i bëhej foto e cila futej në sistem, identifikohej dhe me një numër personal të burgut e më pas kalonte në observim për 24 orë. Një klinikë e specializuar i bënte të gjitha analizat(brenda në burg) dhe kalonte po në observim për 7 ditë, ku kishte të gjitha kushtet për palestër, argëtim dhe merrte kontakt me të dënuar që kishin kohë në burg të cilët. Me leje të Drejtorisë së burgut disa të burgosur të tjerë, kryenin punën e psikologut që i sapo ardhuri të mos e ndjente veten që ishte në burg. Aspekt tjetër i rëndësishëm nga grupi përfaqësues, u konsiderua mënyra e trajtimit dhe menaxhimit të personave që ndodhen në dhomat e izolimit. Edhe pse në praktikë në sistemin e burgjeve shqiptare zbatohen procedurat e pranimit sipas akteve ligjore, në disa raste mungojnë standardet e duhura dhe profesionalizmi në këtë aspekt.

18/06/2012