RREGULLORE  E QENDRËS SË TRAJNIMIT TE PERSONELIT TE  BURGJEVE

KAPITULLI   PARË
OBJEKTI  DHE PËRKUFIZIME

Në zbatim të ligjit 8321 date 16.4.1998,te ndryshuar me ligjin 9888,”Për të drejtat e të dënuarve me burgim dhe të paraburgosurve” te Ligjit mbi Policine e Burgjeve , te VKM nr 96 date mbi Rregulloren e Pergjithsheme te Burgjeve, dhe te rekomandimeve te institucioneve nderkombetare  hartohet Rregullorja e Qendres se Trajnimit te Personelit te Burgjeve.

Neni 1
Objekti

Kjo rregullore përcakton drejtimet kryesore tw punws sw  e Qendrës së Trajnimit të Personelit te Burgjeve.
Procededurat e rregjistrimit te kursanteve, te zhvillimit te trajnimit, te testimit  dhe te vlersimit.
Detyrimet e kursanteve , të specialisteve te trajnimit dhe  IEVP per mbarvajtjen e trajnimeve
Marrdhënjet me partneret dhe bashkepunetoret ,brenda dhe jashte sistemit.
Detyrat e drejtuesit te Qendres  dhe te specialisteve .
Neni 2
Përkufizime

Në kuptim të kësaj rregulloreje, përveç se kur përcaktohet shprehimisht ndryshe në dispozita të veçanta të saj, me termat e mëposhtëm nënkuptojmë:
1  Trajnim  baze –Dhenja e njohurive teorike dhe praktike ne baze te nje programi mësimor te miratuar që përmban linjat kryesore te punes per sigurimin, trajtimin dhe rehabilitimin social te burgosurve te shtrire ne nje periudhe kohe  te nevojshme per përvetësimin e njohurive , perfshi edhe periudhen e proves.
2   Trajnim gjate karrieres- Trajnim gjate gjithe karrieres se punonjesit, nga emerimi deri ne zgjidhjen e kontrates,që synon në rritjen e shkallës së profesionalizmit ne mënyre të pandërprere për tju përgjigjur sa më mirë kërkesave në rritje dhe zhvillimit të reformave si dhe gjate ngritjes në gradë
3   Trajnime specifike-Trajnime që behen per grupe te veçanta punonjesish dhe për aspekte te veçanta, si menaxhim, trajtim i grupeve te veçanta, te mitur, gra, persona me çrregullime mendore,të sëmurë, të moshuar etj
.

10Çertifikatë kualifikuese_ Çertifikate qe fitohet pas kalimit me sukses te testit teorik ne fazen e pare dhe lejon kursantin që të fillojë praktikën në nje institucion
11  Çertifikatë e formimit bazë- Çertifikatë që fitohet ne fund te perfundimit me sukses te trajnimit te plotë për formimin bazë,dhe që bazohet ne kalimin me sukses të testit teorik përfundimtar, te vlersimit te punës gjatë praktikës dhe të frekuentimit te rregullt gjate trajnimit.

KAPITULLI  II
QËLLIMI,DREJTIMET,PARIMET

Neni 3
Qëllimi i Qendrës së Trajnimit

Qëllimi i Qendres se Trajnimit te Personelit te Burgjeve është aftësimi profesional  i punonjësve te ketij sistemi për rritjen e efektivitetit  dhe permirsimin e sherbimit ne perputhje me standartet nderkombetare.

Neni 4
Drejtimet e punes se Qendres se Trajnimit

Të organizojë trajnime për formimin bazë të punonjësve që do te rekrutohen ne sherbimin e burgjeve me nje shtrirje kohore sipas nevojave dhe nivelit te kategorive te ndryshme te punonjesve.
Të ofroje trajnim për aftesimin e mëtejshëm profesional dhe ngritjen ne grade të punonjësve gjatë karrierës së tyre në përshtatje me nevojat dhe zhvillimet aktuale si dhe ne pergjigje te ndryshimeve ligjore.
Të ofrojë trajnime specifike  në mënyrë sistematike për grupe te veçanta punonjësish të cilët punojnë me të mitur, gra, të sëmurë, të moshuar , të dënuar me çrregullime të shëndetit mendor, etj.

Neni 5
Parimet e trajnimit
Lidhja e njohurive teorike me praktiken
Trajnim sistematik dhe ne vijmesi
Fleksibiliteti me nevojat,pozicionet e punes,zhvillimet dhe standartet.
Te mesuarit e vetedishem dhe veprues
Disiplina dhe pergjegjesia ne pervetesimin e njohurive teorike dhe praktike si kërkesë bazë për një shërbim të mirë.

KAPITULLI  III
RREGJISTRIMI NË KURSET E TRAJNIMIT

Neni 6
Procedurat e regjistrimit të kursantëvt

6.1 Kandidatët që propozohen nga IEVP për tu punësuar në shërbimin e burgjeve, pas plotësimit të dosjes ligjore përzgjidhen nëpërmjet intervistës dhe një testi psikologjik nga komisioni i emrimeve dhe i paraqiten Drejtorit te Përgjithshëm të Burgjeve për emrim.
6.2 Në urdhërin e emërimit parashikohen detyrimet për trajnimin e punonjesit para marrjes së detyrës dhe lidhja e kontratës nga Drejtoria e IEVP ku është emëruar punonjësi.
6.3 Drejtoria e Burimeve Njerëzore ,Financës dhe Shërbimeve Mbështetëse ,në bashkëpunim me Drejtoritë e IEVP, plotëson  nevojat për burime njerëzore duke bërë grupimin e kandidatëve në grupe jo më të vogël se 10 veta ,të cilët do të rregjistrohen ne një kurs.
6.4 Në momentin që del urdhëri i emërimit nga Drejtori i Përgjithshëm, punonjësi paraqitet në Institucion, lidhën kontratë me kohe te papercaktuar , merr uniformën dhe paraqitet pranë Qendrës së Trajnimeve për tu rregjistruar në kursin e formimit bazë.
6.5 Marrëdhënjet financiare punonjësit i fillojnë me fillimin e trajnimit.Pagesat per periudhen që kursanti ndjek trajnimin bazë teorik bëhen nga IEVP ku është emëruar punonjësi mbi bazën e listë prezencës të dërguar zyrtarisht nga Qendra e Trajnimit.
6.6 Nuk lejohet që punonjesi i emëruar të fillojë detyrën pa kaluar në trajnim dhe pa u shoqëruar me çertefikaten kualifikuese te lëshuar nga Qendëra e Trajnimit.
Neni 7
Paga

Gjatë kohës që kursanti është në trajnim paguhet në bazë të VKM ,Per pagat e punonjesve te policise se Burgjeve me pagën që i përket gradës minimale brenda rolit pa  vështirsinë e shërbimit .
Gjatë  periudhës së provës punonjësi e merr vështirësinë e shërbimit sipas regjimit ku ai është i pozicionuar.

Neni 8
Kontrata e punës

8.1. Personi që pranohet në sherbimin e burgjeve  nënshkruan kontratën individuale ne bazë të nenit 140 të Kodit të Punës me kohe të pa përcaktuar  me Drejtorine e IEVP në fillim të trajnimit të tij në Qendrën e Trajnimit të Personelit të Burgjeve .
8.2. Kontratat e punës bazohen në Kodin e Punës së Republikës së Shqipërisë dhe Ligjit të Policisë së Burgjeve.Kontrata e punës përcakton  kohën e provës prej 3 muaj, në bazë të nenit 142 të Kodit të Punës e cila fillon me fillimin e praktikës dhe zgjatën 3 muaj.Pas përfundimit të periudhës së provës, punonjësi shoqërohet me nje vlersim  pune , i cili merret ne konsideratë  gjate testimit dhe vlersimit të përgjithshëm për çertifikimin e punonjësit.
8.3. Modeli tip i kontratës, me të drejtat dhe detyrimet, i përmbahet akteve ligjore në fuqi dhe
përmban:
a) identitetin e palëve;
b) vendin e punës;
c) detyrimin e punonjesit për trajnimin e tij  dhe përshkrimin e përgjithshëm të punës gjate kohës së provës.
ç) datën e fillimit të punës;(data e fillimit te trajnimit)
d) kohëzgjatjen e periudhës së provës,
dh) kohëzgjatjen e pushimit vjetor (lejes së zakonshme deri në 30 ditë për nivelin zbatues,
35 ditë kalendarike për nivelin e parë drejtues, (pasi te kete kryer minimalisht 11 muaj punë)
e) elementet përbërëse të pagës dhe datën e dhënies së saj;
ë) kohën normale javore të punës;
f) sanksionet për prishje të kontratës;
(nje model i kontratës i bashkëngjitet kësaj rregullorje)
KAPITULLI  IV  PROGRAMET
Neni 9

Programimi i Trajnimeve

Qendëra e Trajnimit të Personelit të Burgjeve në fillim të vitit kalendatik harton programin vjetor të trajnimeve për vitin në vazhdim dhe ua bën të njohur te gjitha drejtorive të IEVP dhe Drejtorive brenda Drejtorisë së Përgjithshme të Burgjeve , me qëllim që të planizohen punonjësit që do te jënë pjesëmarrës
Neni 10

Programet  mësimore
Qendra e Trajnimit harton programet per formimin bazë të punonjësve të sherbimit te sigurisë dhe shërbimeve te tjera, duke i kaluar në diskutime me grupe te interesit dhe më pas i miraton tek Drejtori i Përgjithshëm.Programi përmban linjat kryesore, temat për çdo linjë, orët për leksione, oret e seminareve, te praktikës të testimit dhe orët në dispozicion.Krahas programit të formimit bazë , për punonjësit e shërbimit të  sigurisë,harton  programet për  kalimin në një gradë më të lartë sipas Ligjit te Policisë së Burgjeve  dhe programet për trajnimin e punonjësve të shërbimeve të tjera .

Neni 11
Partneriteti

Qendra e Trajnimit të Personelit të Burgjeve për realizimin e programeve me nivel sa më të lartë cilësor  bashkëpunon me partnerë brenda e jashte sistemit.Personat të cilët do të kërkohen nga qendra per trajnime ,miratohen paraprakisht nga Drejtori i Përgjithshëm.Pagesat e bashkepunëtorëve jashtë sistemit bëhen nga buxheti i qendres ,sipas një aktmarrëveshje te miratuar tek Drejtori i Përgjithshëm.

KAPITULLI  V ASPEKTE ORGANIZATIVE
Neni 12
Buxheti

Qendra  e Trajnimit te Personelit te Burgjeve ka buxhetin e saj,i cili i përcaktohet nga Drejtori i Përgjithshëm,për realizimin e trajnimeve, pagat e personelit, djeta për udhëtime, pagesen e lektoreve jashtë sistemit, furnizime dhe paisje me mjete logjistike dhe kancelari dhe bazë materiale didaktike mësimore.
Neni 13

Stafi i Qendrës
Stafi i Qendres së Trajnimit përbëhet nga Drejtuesi, specialistët e trajnimit ,koordinatori per shërbimet logjistike dhe koordinatori për shërbimin logjistik financë.Emërimi dhe lirimi nga detyra bëhet në bazë të procedurave të shërbimit civil.Kriteret e pranimit në detyrë janë sipas Urdherit të Drejtorit të Përgjithshëm mbi kriteret për pranimin në DPB.Drejtuesi i Qendrës së Trajnimeve duhet të ketë përfunduar minimalisht  ciklin e dytë të studimeve universitare dhe të ketë përvojë në mësim dhënje dhe punën kërkimore.
Neni 14

Detyrat dhe Pergjegjesite e drejtuesit te Qendres

Drejtuesi i Qendrës së Trajnimeve  varet tek   Drejtori i Pergjithshme i Burgjeve dhe i raporton Atij
Pergjigjet per trajnimin e punonjesve te  te gjitha niveleve ne sistemin e burgjeve. Drejton dhe organizon punen per hartimin e programeve dhe moduleve te trajnimit  .
Harton planet afat gjata dhe afatshkurtera per realizimin e trajnimeve.
Ben dokumentimin e rezultateve te trajnimit dhe ja ben te ditur ato  Derejtorise se Burimeve Njerzore
Organizon trajnime  specifike per punonjes qe punojne me grupe te veçanta
Bashkepunon  me institucione partnere per ngritjen e cilesise se trajnimeve.

KAPITULLI  VI  KURSANTI,TESTIMI VLERËSIMI.
Neni 15

Kursanti 

Kursanti është punonjësi i pranuar në shërbimin e burgjeve  që ndjek kursin e trajnimit bazë në Qendrën e  Trajnimit.
Kursanti duhet të përfundojë me sukses trajnimin bazë të shërbimit në burgje  që të caktohet me detyrë  Në rast se kursanti nuk e përfundon me sukses trajnimin bazë , atij i zgjidhet kontrata e punës.

Neni 16

Detyrimet e Kursantit

Gjate periudhes se trajnimit  kursanti duhet te permbushe këto detyrime:
Te marre pjese rregullisht ne trajnim,te respektoje orarin  dhe te pergatitet.
Te kalojë testin e detyrueshem kualifikues dhe përfundimtar
Të kalojë me sukses kohen e provës në institucionin ku është emëruar duke përmbushur të gjitha kërkesat e parashikuara në paketen ligjore e nenligjore mbi kryerjen e sherbimit.
Në qoftë se kursanti ,i cili ka filluar trajnimin për formimin bazë, përpara emërimit të tij në punë , mungon tre ditë pa arsye,propozohet tek Drejtori i Përgjithshëm i Burgjeve për zgjidhjen e kontrates.

Neni 17
Testimi

Kursanti do ti nenshtrohet testimit paraprak pas çdo gjashte tema mësimi .Në fund te periudhës së parë të trajnimit  ,para fillimit te kohes se proves ,kursanti do ti nenshtrohet nje testimit kualifikues.Ne rast se nuk kalohet testi, kursantit do ti jepet e drejta ta perseris vetem nje herë pas nje periudhe nje javore.
Nëqoftë se kursanti nuk e kalon testin kualifikues edhe pas përsëritjes, ai skualifikohet, pra i zgjidhet kontrata dhe nuk paguhet për periudhën e trajnimit teorik.
Testimi përfundimtar per çertifikimin e kursantit si punonjes i sherbimit te burgjeve  do te behet  ne fund te kursit teorik dy javor, pas periudhes se praktikës  e cila zgjat tre muaj.Në qofte se kursanti nuk e kalon kete test atij i zgjidhet kontrata.

Neni 18
Vlerësimi

Vlerësimi perfundimtar i kursanteve do te behet pas periudhes se proves ne perfundim  te kursit te dyte teorik dy javor.Vlerësimi do te perbehet nga tre pjese,vlerësimi ne testin teorik, vlerësimin ne praktike gjate kohes se proves dhe frekuentimi.
Kursanti  vlerësohet kalues ne testin teorik  kur arrin  te perfundoje sakt 70% kerkesave te testit.Vlerësimi shume mire i testit permban 60 pike në vlerësimin e përgjithshëm
Vlerësimi i punes shume mire gjate periudhes se proves ,permban 30 pike  në  vlerësimin e përgjithshëm.
Frekuentimi 100% gjate dy fazave te trajnimit  vlerësohet ne masen 10 pikë  ne vlerësimin e përgjithshem.

Neni 19
Etika

Të gjithë kursantet do të veprojnë në përputhje me rregullat e sjelljes te parashikuara ne kete Rregullore dhe ne Rreguloren e etkies se punonjesve te burgjeve.

Kursantët  duhet të jenë të sjellshëm dhe të respektojnë personelin e Qendres së Trajnimit, Lektoret e jashtëm  ,kolegët dhe qytetarët.
Ndalohet çdo shenjë diskriminimi (me shkrim, verbal, me gjeste apo në ndonjë mënyrë tjetër) fetar, etnik, gjinor apo kundër origjinës kombëtare të kursanteve  apo anëtarëve të personelit .
Gjatë orës së mësimit celularët duhet të jenë të fikur.

Çdo Kursant  duhet ta përfundojë provimin në mënyrë individuale. Kopjimi  si mënyrë për të arritur rezultate fiktive , është i papranueshëm dhe skualifikues.
Pirja e duhanit nuk lejohet në ambjentet e mesimit .
Pirja e duhanit lejohet jashtë, në hapësira të paracaktuara për këtë qëllim.
           
Pijet alkoolike janë të ndaluara në Qendren e Trajnimit dhe gjate kohes qe kursanti eshte ne trajnim

Gjate kohes se trajnimit kursanti mban uniformën e stervitjes të shërbimit të sigurisë.Uniforma mbahet e rregullt, sipas stineve dhe e pastër.

Neni 20

Ngarkohen per zbatimin e kësaj rregullorje Drejtoria e Përgjithshme e Burgjeve , dhe të gjitha strukturat në vartësi të saj.

Neni 21 

Te gjithë urdheresat që bien në kundërshtim me këtë urdhër shfuqizohen

REPUBLIKA E SHQIPËRISË
MINISTRIA E DREJTËSISË
DREJTORIA E PËRGJITHSHME E BURGJEVE     
INSTITUCIONI I EKZEKUTIMEVE TE VENDIMEVE  PENALE............

Tel. .................................................

N/r _______ Prot                                              --------------------,me......./ ....../ 2009

KONTRATË  PUNE  ME KOHË TË PAPËRCAKTUAR

Sektorit të Burimeve Njerëzore
Punëmarrësit,z/znj...................................
Në................................, sot më .................................,lidhet kjo kontratë pune me kohë të papërcaktuar, ndërmjet Drejtorisë së IEVP............................................,të përfaqësuar nga Drejtori................................................si punëdhënës, i autorizuar nga Drejtori i Përgjithshëm i Burgjeve me urdherin nr ...........,datë...........................dhe z/znj. .........................................si punë marrës në pozicionin.....................................
Kjo kontratë lidhet në bazë të Ligjit nr 7961, datë 12.07.1995,”Kodi i Punës në Republikën e Shqipërisë”, i ndryshuar me Ligjin nr  8085  datë 13.03.1996, ndryshuar me Ligjin nr 9125 date 29.07.2003,Ligjin nr........., date................” Për Policinë e Burgjeve”
Kontrata lidhet me kete përmbajtje:

Neni 1
Afati dhe data e fillimit të punës

Kontrata lidhet sot me datën ......................., dhe perfundon kur zgjidhet nga njera palë,sipas dispozitës nr 141 të K.Punës  dhe Rregullores së Disiplinës së Policisë së Burgjeve ,pas mbarimit të afateve të njoftimit.
Marrëdhënjet financiare fillojnë  në datën e fillimit të trajnimit, sipas parashikimit në Rregulloren e Qendrës së Trajnimeve.

Neni 2
Përshkrimi i punës

I/E Punësuara që nënshkruan  kontratën  do të kryej këto detyra:

1. Të  ndjek trajnimin në Qendrën e Trajnimit të Personelit te Burgjeve sipas programit të miratuar nga Drejtori i Përgjithshëm i Burgjeve per formimin baze.
2. Të përgatitet vzhdimisht dhe te vlerësohet kalueshëm në testet kualifikuese dhe ne testin përfundimtar.
3. Të kryej me sukses praktikën ne Institucionin ku është emëruar ,prej tre muajsh që konsiderohet njekohësisht edhe kohë prove.Në fund të periudhës së provës do të shoqërohet me vlerësimin e punës nga Pergjegjesi i Shërbimit të Sigurisë së Institucionit.
4. Gjate kohes se provës punonjesi do të bëjë shërbim në të gjitha shërbimet e sigurisë. _Njohje e pergjithshme me  detyrat e sherbimit te sigurisë ne Institucion 5 dite._Në regjimin e jashtëm  45 dite , _Në regjimin e brendëshëm 30 dite ._ Në shërbime të tjera , tek kontrolli, grupi i sigurise , vëzhgimi  etj  10 ditë.
5. Të zbatojë të gjitha aktet ligjore e nenligjore që kanë të bëjnë me shërbimin
6. Të zbatojë kodin e etikës në marrëdhënjet me kolegët, eprorët , të burgosurit, dhe qytetarët.

Neni 3
Koha e Provës

Koha e provës është 3 muaj dhe fillon me fillimin e praktikës dhe përfundon me përfundimin me sukses të fazës së dytë të trajnimit dhe marrjen e çertifikatës për formimin bazë.

Neni 4
Koha e punës

Kohëzgjatja normale e punës është 8 orë në ditë dhe 40 orë në javë.Gjatë ditëve të trajnimit koha e punës fillon në orën 08 dhe përfundon në orën 16. Gjatë  kohës së praktikës, puna kryhet me turne, sipas orarit të vendosur nga Institucioni.

Neni 5
Puna jashtë orarit zyrtar

Për nevoja të domosdoshme  të institucionit , koha e punës mund të zgjatet , por jo më shumë se 50 orë në javë  në total.Për punë mbi kohën e punës , punëdhënësi do të paguajë  punëmarrësin  sipas dispozitave te K.Punës, VKM për kohën e punës dhe pushimit, udhëzimeve te Ministrise se Financave dhe te Ministrise se Drejtesise,ose do ti jap pushimet per nje periudhë brenda dy muajve.

Neni 6
Koha e pushimit

Pushimi javor është ditën e shtunë dhe të diel.Pushimi vjetor është 30 ditë për punonjësin e nivelit zbatues. 35 ditë për punonjesit e nivelit te parë  drejtues dhe 40 ditë për punonjësin e nivelit  të lartë drejtues.Pushimi vjetor jepet brenda vitit kalendarik , ose në pamundësi deri në mbylljen e tremujorit të parë të vitit të ardhëshëm.Në rast se pushimi vjetor nuk mund të jepet për arsye pune te rëndësishme,brenda afatit të parashikuar ,atëhere punedhenësi bën kompesimin në pagë të punëmarrësit.Punëmarrësi gëzon të drejtën e pushimeve të tjera sipas parashikimit të nenit 96 te Kodit të Punës .

Neni 7
Paga
Paga do të jetë sipas VKM nr.............. datë......................., dhe perbehet nga paga për gradë, dhe shtesa për vështirsi shërbimi.Gjatë periudhës së trajnimit bazë , do të paguhet paga e gradës minimale pa vështirsinë e shërbimit.Gjatë kohës së praktikës, do të paguhet vështirsia sipas shërbimit që kryen punonjesi, e pasqyruar kjo në listë prezencë.

Neni 8
Pranimi në punë

Pranimi në punë bëhet nga Drejtori i Përgjithshëm i Burgjeve , sipas kritereve që parashikon Ligji i Policisë së Burgjeve, mbi bazën e dokumentacionit të paraqitur , te intervistës dhe te testit psikologjik.

Neni 9
Sigurimet shendetsore dhe shoqërore

Punëdhënësi, derdh kontributin e sigurimeve shendetsore dhe shoqërore për llogarinë e punonjësit, duke e paisur me librezën e punës dhe librezën e kontributeve.

Neni 10
Kushtet e punës

Punëdhënësi ka për detyrë ti sigurojë punëmarresit kushte të favorshme për punë, veshmbathje dhe paisje  për kryerjen e sherbimit sipas normave të miratuara.

Neni 11
Zgjidhja e kontratës

Zgjidhja e kontratës bëhet në bazë te nenit 153 të Kodit të Punës dhe procedurave  që parashikon Ligji i Policisë së Burgjeve dhe  Rregullorja e Disiplinës , në rastet kur:

• Nuk paraqitet ne trajnim për më shumë se tre ditë pa arsye.
• Nuk kalon ne testin kualifikues dhe  testin përfundimtar .
• Mungon pa arsye ne sherbim,  gjatë kohës së provës  për më shume se tre ditë
• Janë kryer shkeljet disiplinore të parashikuara në Rregulloren e Disiplinës së Burgjeve
• Me kerkesën e punëmarrësit kur ka arsye shëndetsore apo social ekonomike  të cilat punëmarrësi i çmon të arsyeshme , duke respektuar afatet e njoftimit.

       Kjo kontratë pasi lexohet firmoset me vullnet të lirë nga dy palët.

Punëmarrësi                                                                                  Punëdhënësi
                                                                           
Z/ Znj........................................                                                   D R E J T O R I

                                                                                                              ____________________